Tonton.

❓ أسئلة ومساعدة

كل شي اللي تحب تعرفو على Tonton.

شنوّة Tonton؟

Tonton يلمّ الحرفاء اللي يحبّو يبعثو قضيات بين أوروبا وتونس مع ترانسبورتورات مسافرين ديجا وعندهم بلاصة فارغة في الكميون ولا الكرهبة.

كيفاش نبعث قضية؟

اختار سفرة من السفرات، اضغط «اطلب بلاصة»، اكتب قدّاش من كيلو وشنوّة فيها. الترانسبورتور يقبل ولا لا، وكي يقبل يظهرلكم الرقم متاع بعضكم.

كيفاش نخلّص؟

الخلاص مباشرة بينك وبين الترانسبورتور (كاش ولا كيما تتفاهمو). Tonton ما يقبض حتى فلوس وما ياخذ حتى عمولة في النسخة التجريبية.

السوم كيفاش يتحسب؟

كل ترانسبورتور يحط السوم متاع الكيلو. السوم اللي يبان في الطلب تقريبي، والسوم النهائي تتفاهمو عليه. السوم بالدينار تقريبي حسب الصرف متاع اليوم.

شنوّة الحاجات الممنوعة؟

أي حاجة ممنوعة في القانون (دواء بلا وصفة، فلوس، سلاح، مخدرات…)، والحاجات اللي الديوانة تمنعها. الترانسبورتور عندو الحق يحلّ القضية قدّامك ويرفض.

الترانسبورتور ما جاوبنيش؟

كان الترانسبورتور ما جاوبش في 48 ساعة، الطلب يتسكّر وحدو وتنجم تطلب في سفرة أخرى.

الرقم متاعي يبان للناس الكل؟

لا. الرقم والعنوان بالضبط ما يبانو للترانسبورتور كان بعد ما يقبل الطلب متاعك.

أنا ترانسبورتور، كيفاش نسجّل؟

من صفحة التسجيل: اسمك، رقمك والمسار متاعك. من بعد تهبّط السفرات متاعك وتشاركها في القروبات.

صار مشكل مع ترانسبورتور ولا حريف؟

كلّمنا (الواتساب لوطة) واحكيلنا شنوّة صار مع رقم الطلب (مثال TT-…). نجّمو نخبّيو أي حساب ما يحترمش الناس.

📞 كلّمنا